Edición 2022
- Sábado 3 de setembro, 19.00 h
CONCERTO INAUGURAL
Proxecto Dous Mares
Santa María dos Ánxeles, Brión (A Coruña)
- Domingo 4 de setembro, 15.30 h (encontro no centro de interpretación e subida ao mosteiro)
Manuel Vilas
San Xoán de Caaveiro, A Capela (A Coruña)
(Coñece o teu patrimonio. Visita ao Mosteiro de Caaveiro)
- Sábado 10 de setembro, 19.00 h
La Spagnoletta
Convento do Rosario, San Sadurniño (A Coruña)
(Coñece o teu patrimonio. Ás 15.30 h, visita guiada polo castelo de Naraío)
- Domingo 11 de setembro, 19.00 h
Ministriles de Marsias
Mosteiro de Santa María de Sobrado, Sobrado (A Coruña)
(Coñece o teu patrimonio. Ás 15.30 h, Ruta da Carballeira)
- Sábado 17 de setembro, 12.00 h (encontro no centro de recepción de visitantes)
Abraham Cupeiro e Alba Barreiro
Dolmen de Dombate, Cabana de Bergantiños (A Coruña)
(Coñece o teu patrimonio. Visita ao Dolmen de Dombate e ao Castro de Borneiro)
- Domingo 18 de setembro, 19.00 h
Austrian Baroque Company
San Xiao de Bastavales, Brión (A Coruña)
(Coñece o teu patrimonio. Ás 15.30 h, Ruta polas terras rosalianas)
- Venres 23 de setembro, 20.30 h
Ana Aguado
Mosteiro de San Paio de Antealtares, Santiago de Compostela (A Coruña)
(Coñece o teu patrimonio. A soas cos órganos: conversa con Ana Aguado)
- Domingo 25 de setembro, 20.30 h
CLAUSURA
Favola d’Argo
Mosteiro de San Paio de Antealtares, Santiago de Compostela (A Coruña)
Debes ter en conta
PROTOCOLO DE ACCESO A ACTIVIDADES E CONCERTOS
Os concertos son de balde e a entrada libre, até completar a capacidade, excepto nos espazos en Caaveiro e o Dolmen de Dombate, que teñen prazas limitadas.
Nas actividades e concertos con prazas limitadas sinaladas no catálogo é imprescindible a inscrición previa nas datas establecidas. Deberase indicar expresamente para que data e que actividade se fai a reserva. É precisa unha reserva para cada actividade. Só se admitirán reservas realizadas a través do correo actividades@espazossonoros.org. Calquera solicitude de reserva feita a través de calquera outro medio ou enderezo ou fóra de prazo non será atendida.
Cada persoa poderá realizar un máximo de catro reservas.
Para a reserva deberase achegar un teléfono de contacto así como o nome completo de cada unha das persoas participantes.
O día da actividade deberase presentar o código de referencia facilitado por correo electrónico coa formalización da inscrición.
Neste momento non é obrigatorio o uso de máscara. A nosa recomendación é que se siga usando en interiores.
Os aforos e condicións poden variar en función das normas de aplicación xeral decretadas en cada momento polas autoridades sanitarias.
A túa colaboración é imprescindible
Lembra que temos que ser responsables co medio ambiente e co patrimonio visitado.
Antes de participar nas actividades paralelas, asegúrate de que a ruta se adapta ás túas capacidades físicas en función do percorrido e duración.
Unha vez formalizada a inscrición, no caso de non poderes asistir, procura avisar co fin de deixarlles a túa praza a outras persoas interesadas.
Procura chegar puntual ás diferentes citas.
Lembra que facer fotos ou gravar vídeos pode resultar molesto para os intérpretes e para o resto do público. Por favor, respecta as indicacións que facilite o persoal de produción.
As persoas menores de 18 anos deberán ir acompañadas por un adulto maior de
idade que se faga responsable. Non se recomenda a asistencia de menores de 8 anos, excepto que se trate de actividades especificamente deseñadas para esa franxa de idade. De asistiren, as persoas adultas coidarán, en todo momento, deles.
Como chegar
Para coñeceres a localización de cada un dos espazos, busca en Googlemaps o mapa de Espazos Sonoros 2022.